Ish-kryeministri Berisha dha sot një intervistë për emisionin “Kjo Javë me Nisida Tufën” në “Neës 24” ku foli për etiketimin që i bëri Topallit si e deklasuar, atë që pritet të ndodhë para kryeministrisë më 13 maj, akuzat ndaj vëllait të Fatmir Xhafajt dhe bojkotin në zgjedhjet e 18 qershorit.
NISIDA TUFA: Doktor përshëndetje, është kënaqësi për mua të jem në zyrën tuaj! Faleminderit që na pritët dhe pranuat ftesën tonë!
SALI BERISHA: Kënaqësia është e imja, faleminderit!
NISIDA TUFA: Zoti Berisha ne kemi Presidentin e ri të Republikës në Shqipëri, i cili ishte dhe nuk ishte surprizë për shqiptarët në momentin që u zgjodh, por mungoi mendimi juaj. Sa herë lakohet emri juaj, zoti Meta është gjithnjë dashamirës, pse mungoi mendimi juaj për Presidentin e ri. Pse mungoi urimi juaj?
SALI BERISHA: Unë mendoj se Presidenti i ri u zgjodh në një moment thellimi krize. E kam theksuar dhe e theksoj nuk kishte opozita pretendime për postin e Presidentit, por vendi kishte më nevojë se kurrë për një proces në zgjedhjen e Presidentit, siç është bërë katër vite më parë me zgjedhjen e Nishanit, pa patur probleme të tilla madhore krize.
Në mendimin tim ka pasur prej kohësh një marrëveshje të vendosur që postin e Presidentit ta kishte LSI-ja, ndonëse pranoj që mazhoranca i kishte votat dhe mundësitë për ta zgjedhur Presidentin dhe opozita e sigurt, nuk kishte pretendime për postin e Presidentit. Por, këtë vit, më shumë se kurrë ky proces duhet të ofrohej si një proces negocimi, dialogu për të bërë një hap real më tej në zgjedhjen e krizës. Në këtë kontekst, unë e kam shprehur se kjo zgjedhje vetëm sa thellon më tej krizën dhe për mua kjo përbën një problem serioz.
NISIDA TUFA: Ju jeni shprehur menjëherë pas zgjedhjes së Presidentit me një status në Facebook, se është në lartësinë apo ngritjen në përgjegjësi përpara eleëminimit të zotit Meta…
SALI BERISHA: Ekzakt! Sepse, 4 vite me radhë, sidomos 3 të parat, Edi Rama bëri një betejë të paimagjinueshme për eliminimin e Ilir Metës në të gjitha mënyrat, me qëllimin e vetëm për të marrë LSI, e cila për hir të së vërtetës i nxjerr Edi Ramës telashe shumë të mëdha. Pasi dështoi në këtë përpjeke, E vërteta është se Meta ia ktheu reston Çdo ditë atij, nuk la rast pa e goditur për çështjet më madhore, qoftë për reformën në drejtësi qoftë dhe për vështrimin e krizës, të cilën ai e parandjente, që një krizë e thellë po duket në horizont dhe kërkonte zgjidhjen e saj.
NISIDA TUFA: Pra, nuk ka qënë një marrëdhënie e lumtur mes tyre, ka patur divergjenca?
SALI BERISHA: Rama mendon se duke e çuar President do mundë të shtrijë tentakulat e tij mbi aleatin më të vogël LSI. Ta shohim, koha është përpara.
NISIDA TUFA: Doja t’ju pyesja edhe për marrëdhënien tuaj me zotin Meta, cila është ajo?
SALI BERISHA: Marrëdhëniet e mia me të, janë marrëdhëniet që janë midis një opozitari dhe një qeveritari. Të tilla janë. Por kjo, as për zotin Meta, as për zotin Rama po të ishte, nuk më pengon mua asnjëherë të vlerësoj çdo hap pozitiv të bërë me transparencë. Zoti Meta gjatë drejtimit të Parlamentit është përpjekur të krijojë hapësirat, në kundërshtim me vullnetin e PS, t’i krijojë opozitës hapësirat e nevojshme në parlament. Ka pasur një debat lidhur me kohën që më jepet për të folur. Edi Rama nuk e njeh parlamentin. Ai njeh vetëm veten e tij. Shkaku më kryesor që ai përfundoi jashtë parlamentit, ne dolëm me vendim kurse ai kishte një muaj e gjysëm që nuk shkelte më në parlament, ishte vetja e tij. Sepse nëse kryeministri vjen në Parlament dhe flet përçart, dhe flet jo për një temë të caktuar por flet çdo gjë dhe vjell vrer vetëm ndaj opozitës, i krijon opozitës të gjitha mundësitë t’ja kthejë dyfish atij. Ne nuk hezituam për ta bërë këtë. Nga ana tjetër, Meta ndërhyri vendosmërisht në një moment kritik për votimin e neneve të Kushtetutës.
Bëri një gabim fatal mbrapa, kur votoi ligjet në kundërishtim me Kushtetutën, por Kushtetutën ne nuk po e votonim, dhe i qëndroi edhe ai presioneve, pasi ato nene që kërkonin të votoheshin kishin për qëllim ta shpallnin Edi Ramën monark të drejtësisë shqiptare, çka me kushtetutë nuk është, e ka marrë me ligje por të jesh e sigurtë që shqiptarët edhe atë do ia heqin.
NISIDA TUFA: Të përqëndrohemi pak tek kriza, kanë dështuar disa negociata. Të përqednrohemi pak tek PD. Cfarë bisedoni me Bashën, çfarë e këshilloni?
SALI BERISHA: Zotin Basha por dhe çdo eksponent tjetër të PD dhe jo të PD, që vjen në këtë zyrë, unë e këshilloj ato që më pyet. Nëse kërkon nje këshillë timen për një problem te caktuar, unë ia shpreh siç e mendoj, por situata është jashtëzakonisht kritike dhe kjo situatë ka një përgjegjës absolut, dhe ky përgjegjës është kryeminsitri i vendit.
NISIDA TUFA: Gjithmonë ka pasur zëra se ju ndikoni në vendimmarrjet e zotit Basha. A qëndron kjo?
SALI BERISHA: E vërteta është se unë më shumë ndikoj në vendimmarrjet e Edi Ramës se të Lulzim Bashës, pasi më shumë ai lexon Facebookn tim se sa Facebookun e tij që ia mbajnë të tjerët, dersa shkruan dhe me pseudonime aty, harron që unë ia njoh stilin.
NISIDA TUFA: A ka pasur momente dobësie të zotit Basha për të dalë nga çadra? A është konsultuar ai me ju për këtë?
SALI BERISHA: Unë nuk kam konstatuar në asnjë moment nga zoti Basha dhe nga askush tjetër, as nga drejtuesit e partive opozitare, që të ketë qoftë edhe shmangjen më të vogël nga qëllimi madhor që kanë; rikthimin e votës së lirë të shqiptarëve. Cadra e Lirisë u shndërrua në një institucion të paprecedent në historinë e vendit. Sot është dita e 78 e saj, e një proteste shëmbullore, paqësore, e një proteste e cila nuk tundi flamurin e grevës së urisë paçka se hanin gjithë natën, por e një sakrifice që bëhet, duke qëndruar me tre turne, duke ardhur nga e gjithë Shqipëria për të shprehur kërkesën legjitime të shqiptarëve; të votojmë të lirë.
NISIDA TUFA: Në cadër janë le të themi 200 persona që qëndrojnë aty dhe kërkojnë zgjedhje të lira dhe të ndershme por duket se ka një diskordancë me popullin, ndoshta populli nuk e do më aty atë çadër. Cfarë do bëhet me të çadër?
SALI BERISHA: Po, shumë e drejtë. Cadra u instalua më datë 18 shkurt. Në 18 shkurt, në memorien time ishte një nga protestat më të mëdha por dhe më të nxehta në historinë e vendit. E kam thënë dhe po e them prap se të paktën 80-100 mijë nga ata protestues, ata kishin ardhur për ta fshirë Edi Ramën. Dhe që ta dish, nëse vendosin, jo 80 mijë por dhe 20 mijë, po vendosën, janë të mjaftueshëm për ta realizuar qëllimin. Ka protesta që kanë karakter festiv por ajo ishte revoltë dhe qe një gjë e jashtëzakonshme që ajo protestë u menaxhua në mënyrën më perfekte. Aty u instalua Cadra si përfaqësuese e asaj proteste. Mund t’ju garantoj, dhe këtu do jemi që protesta tjetër po të thirret do të jetë edhe më e madhe, dhe pastaj menaxhimi i saj do jetë problemi kryesor, se një herë i menaxhon ti por herën tjetër të menaxhojnë ato ty. Ky është i gjithë problemi
NISIDA TUFA: Pra mendoni se mund të ketë përshkallzime?
SALI BERISHA: Absolutisht po.
NISIDA TUFA: Zoti Berisha nuk ju pamë në protestën e bllokimit të akseve kombëtare rrugore nga ana e PD. Ju nuk mungoni thuajse në asnjë protestë. Pse mungoi prania juaj?
SALI BERISHA: Nuk ishte për një arsye teknike.
NISIDA TUFA: Përqëndrohemi pak edhe tek zërat kundër te PD siç është zonja Topalli, zonja Bregu apo dhe zoti Selami. E kanë kritikuar kryetarin e PD se nuk ka mbledhur forumet drejtuese prej kohësh. Madje zoti Selami arriti tha se kur ishte Berisha nuk ndodhte kjo.
SALI BERISHA: Për shkak të një pozicioni që kam, nuk ndërhyjë absolutisht në debatin e brendshëm të partisë. Ajo që mendoj se ka një vlerë shumë të madhe është që të ketë hapsira që secili të shprehë mendimin e tij përndryshe partia humbet karakterin demokratik të saj.
NISIDA TUFA: Po pra po a është gabim mos mbledhja e grupit parlamentar të PD?
SALI BERISHA: Kryetari mund ta kishte mbledhur, vetëm se vendimin për bojkotin e parlamentit e ka marrë grupi parlamentar i PD. Ky vendim ishte i detyruar nga lëvizja, nga revolucioni që filloi. Unë i mirëkuptoj kritikët tanë pse u larguam nga parlamenti, shumë e drejtë se s’mund të themi që nuk është. Por problemi është se revolucioni që nisi dhe që vazhdon pa ndërprerje, ata të cilët po vazhdojnë dhe po e bëjnë nuk e shihnin, nuk e përtypnin dot praninë tonë në parlament me kundërshtarët tanë. Ne jemi në Cadër dhe bulevard, parlamenti për ne ka marrë fund thonin. Kështuqë në këtë kontekst nuk ishte ky një vendim i vullnetshëm por një vendim i diktuar nga revolucioni. Ndaj dhe them që një herë e udhëheq ndërsa herën tjetër të udhëheq ai ty.
NISIDA TUFA: Në mbledhjen e grupit parlamentar si i patë reagimet?
SALI BERISHA: Secili aty shprehu mendimin e vet por përveç mendimeve të njohura, mbështetja ka qënë totale për linjën që po ndiqet.
NISIDA TUFA: Në mbledhje e quajtët zonjën Topalli “e deklasuar”.
SALI BERISHA: Ishte një shaka e imja ajo!
NISIDA TUFA: Me çfarë përshtypjesh dolët nga videokonferenca me Daul dhe Hahn?
SALI BERISHA: Unë mund të them se ajo ishte një videokonferencë e shkëlqyer ku natyrisht, presidenti PPE dhe komisioneri Hahn iu drejtuan të gjithë audiencës aty për problemin e krizës aktuale. Sintezën e kësaj videokonference e bëri në mënyrë të shkëlqyer presidenti Daul, në të cilën së pari kërkon që Shqipëria të zgjidhë me dialog dhe mjete politike krizën. Pra kriza në Shqipëri kërkon zgjidhje politike tha ai. Edi Rama të nesërmen i thotë zotit Basha se nuk ka krizë politike në Shqipëri. Me të njëjtën lehtësi u thoshte shqiptarëve se nuk ka shtim të kanabisit në Shqipëri. Mirëpo këtu ska të bëj më me audiencën e brendshme por ka të bëj me audiencën ndërkombëtare. Eshtë e vërtetë që Edi Rama është përpjekur dhe ka bërë gjithçka për ta zvogëluar, por minareja në thes nuk futet. Problemi i drogës në Shqipëri është bërë një problem ndërkombëtar shumë serioz. Rama së fundmi detyrohet tu thotë të tjerëve se po marr masa dhe kam garanci se amerikanët do më ndihmojnë. Ne do i themi qeverisë amerikane se ky po keqpërdor bashkëpunimin me SHBA me biseda. Ky njëri është përgjegjës për kanabizimin e vendit. Ky njëri, pasi zëvëndësoi të gjithë drejtorët e policisë në të gjitha rrethet, solli ish oficerë policie të shkarkuar jo nga ne por nga Nano për implikim për drogën. Vuri ministër politikanin që bleu gomonen e parë nga Italia, njëri i cili vinte nga një background kontrabande. Bëri operacionin në Lazarat dhe ne e mbështetëm atë zyrtarisht. Vfarë ndodhi? Sipas tyre Lazarat ose drogë duhet të bëhet e gjithë Shqipëria. Ke parë të kapin farë kanabisi kund? Vetëm këtë vit, 2017, kanë hyrë 25 ton farë kanabisi. Në mbarë vendin janë mbi 10 mijë parcela të dokumentuara nga filmimi. Italianët kanë filmuar 1/5 dhe kanë gjetur mbi 200 parcela. Në mbarë vendin janë mbi 10 mijë plantacione kanabisi, janë me mijëra roje të armatosura që mediat i kanë dhënë, njërëz me armë pa leje, të mbrojtur nga policia. Vet Rama ka raporte të shërbimeve partnere dhe shërbimeve të tjera të cilat i thonë se krerët e policisë që u shkarkuan tani që të gjithë ishin të implikuar me drogën. Kthehemi në gshtatorin që kaloi. Fabrikat përreth Tirane dhe kudo në Shqipëri ndërprisnin punën sepse mikrobuzat vinin dhe merrnin punëtorët dhe i dërgonin në arat e kanabisit dhe ndërmarrjet e përpunimit të kanabisit. Dihet dhe rroga sa merrnin. Dhe këta që merrnin punëtorët u paguanin edhe dëmin sipërmarrësve. Të gjitha këto ndodhin në sytë e shtetit dhe sytë e qeverisë, e cila e shndërroi në politikë të saj jo zyrtare kanabizimin e vendit. Ju kujtohet shumë mirë fushata që bënë për kanabizimin e vendit eksponentë të PS, të efekteve magjike shëndetësore që kishte kanabisi. Apo Rama që i thoshte Pandit nuk të solla hashash për ditëlindje por të solla lule etj. Pra e gjithja kjo solli krijimin për herë të dytë në botë të një narko- republike apo republikës së drogës. Ka qënë Noriega në Panama në vitet 90, është Rama në zemër të Europës në Shqipëri. Shifni zgjedhjet në Dibër. Fshatari kishte plantacionin dhe i thonin do shkosh dhe do marrësh psh në Kënetë të Durrësit dhe në Kamëz këtë listë personash, që i kishte në rreth ai, që të vijnë të votojnë këtu përndryshe vet je i arrestuar dhe kanabisin e ke të prishur, dhe ai bënte gjithçka për ta realizuar këtëqëllim.
NISIDA TUFA: Z. Berisha në këto 27 vite Shqipëria ka kaluar shumë kriza, madje edhe shumë të gjata, por kjo duket se ka një ngërc shumë të madh, Cfarë e bën këtë krizë që të jetë kaq e pazgjidhshme?
SALI BERISHA: Deri në këtë moment që flasim kjo është kriza më e rrezikshme
NISIDA TUFA: Ju jeni futur ne zgjedhje edhe ne ’97 apo jo?
SALI BERISHA: Kjo është kriza më e rrezikshme që ka rrokur ndonjëherë Shqipëria. Pse? Ka patur më traumetike për momentin, ka patur më tronditëse por problemi është se, në të gjitha rastet, kanë qenë zgjedhjet si rrugëzgjidhja e tyre. Pra zgjedhjet e pranuara si rrugëzgjidhje nga të gjitha palët.
NISIDA TUFA: Po pra dhe nuk janë bojkotuar asnjëherë…
SALI BERISHA: Nuk janë bojkotuar pikërisht se zgjedhjet janë pranuar nga të gjitha palët. Kurse sot janë ato të cilat kanë vdekur për njërën palë. Dhe pse kanë vdekur zgjedhjet? Kanë vdekur sepse ka vdekur vota e lirë. Opozita në 4 vjecarin e saj mund të ketë shumë problematika, mund të shtrojë shumë cështje por një është cështja e të gjitha cështjeve; vota e lirë. Kjo është gjithcka.
NISIDA TUFA: Ju jeni shprehur gjithmonë se bojkotimi i zgjedhjeve është vetëvrasje politike, i qëndroni ende?
SALI BERISHA: Bojkotimi i zgjedhjeve, por them zgjedhjeve, kur them zgjedhjeve zgjedhje jo farsës. Farsa elektorale është fataliteti më i madh që mund ti ndodhë një vendi. Të qëndrojmë këtu. Opozita sot në këtë narko-republikë, e cila ka Noriegën e vet, ka narko-policinë që e patronoi shpërndarjen e drogës në të katër anët e vendit, dhe faktikisht ata u shkarkuan për tu zevendësuar me zëvendësit e tyre po kaq mëkatarë sa ata, ka armatën e rojeve, të armatosura në mënyrë të paligjshme, që ruanin 24 orë mbi 10 mijë plantacione kanabisi, ka armatën e trafikantëve, të gomoneve, të fabrikave e laboratëve të drogës. Të gjithë i ka kundër opozita, dhe opozita nuk u lëkund asnjëherë në qëndrimin ndaj drogës. Opozita kishte një zgjidhje dhe po e vlerësojnë tani. Mjafton që opozita në vitin 2015 të thoshte shikoni këtë problemin e drogës ne do e zgjidhim me referendum, do pyesim shqiptarët dhe këta s’ishin kundër nesh pastaj. Me një fjalë, ne zgjodhëm zero tolerancën ndaj këtij problemi.
Së dyti, opozita ka bandat e krimit kundër. Edi Rama cfarë ka bërë kësaj radhe. Ka bërë listën e deputetëve. Ka zëvendësuar vrasës me vrasës edhe më të rrezikshëm, ka zëvendësuar trafikatë me trafikantë edhe më të rrezikshëm, dhe këto do provohen këto do faktohen ..
NISIDA TUFA: Kur flasim për zgjedhje të lira, nga takimi i parë me z Basha, z. Rama u shpreh se do të ketë një monitorim ndërkombëtar aq sa unë nuk e kam parë në ëndrrat e mia më të bukura, kur ishte z. Berisha kryeminstër. Ndërkohë nga ana tjetër edhe z. Meta kërkon vëzhgues për të patur monitorim, nuk krijon besim kjo?
SALI BERISHA: Shumë e drejtë pyetja. Në vitin 2000, ka qenë fundi i gushtit ose fillimi i shtatorit, qendra “Xhimi Karter” dhe vetë ish-presidenti karter erdhën në Shqipëri, kishte një konflikt të madh për zgjedhjet, dhe erdhën në Shqipëri me vullnetin më të hekurt, ata janë vëzhgues ndërkombëtarë shumë të njohur të zgjedhjeve, dhe erdhën në Shqipëri me vullnetin më të hekurt për të vëzhguar zgjedhjet. Pasi u njohën me kushtet këtu, lëshuan një raport, e përhapën kudo po jo në publik, në të cilën shkruajtën: “Zgjedhjet në Shqipëri janë të vdekura pa u zhvilluar”. Mirëpo ato ishin zgjedhje lokale në vitin 2000. Dhe unë nuk do të kisha të njëjtin qëndrim si në lokalet dhe në të përgjithshmet. Nëse kthehemi në këtë gjë unë mund të them se në prag të zgjedhjeve lokale unë kam bërë një status në të cilin them se zgjedhjet janë të vdekura. Dhe historia provoi se zgjedhjet ishin masivisht të atakuara.
Pra këtu kemi të bëjmë me zgjidhje që kanë vdekur pa u zhvilluar. Kemi të bëjmë me kushte, zgjedhjet i përcaktojnë bandat. Edi Rama nxori nga burgjet jo një, po një numër të konsiderueshëm vrasësish serial që janë të gjithë të regjistruar, të cilët absolutisht diktojnë në zonat e tyre rezultatin elektoral. Opozita nga ana tjetër përballet me një mal narko-eurosh. C’është ky mal narko-euro? Sipas BBC janë 5 mld, të tjerë thonë që arrin në 15 mld, nuk e di sa është, por është e mjaftueshme të blesh votën e një shqiptari qofte edhe me 1 mijë euro …
NISIDA TUFA: Dua të qëndrojmë pak, dhe theksoj pjesës së bojkotit ka një kosto apo jo
SALI BERISHA: Të madhe shumë
NISIDA TUFA: PD dhe opozita cfarë rrezikon me mospjesëmarrjen në zgjedhje? A do e rrezikonte PD një përjashtim nga PPE?
SALI BERISHA: PD dhe të gjitha partitë opozitare së bashku, mos harro se sot aty në cadër janë të bashkuara të gjitha partitë opozitare parlamentare dhe jashtëparlamentare, përvec krijesave të Edi Ramës. Këtu në ipad kam unë formularët e firmosur nga punonjës të administratës për X parti, pa emër partie se do i shpërndante Edi Rama do i jepte partive që të regjistrohen. Pra PD ka një alternativë, ka farsën elektorale dhe cimentimin e Noriegës si kryetar i narko-republikës, ka pastaj një qëndrim refuzues ndaj narko-republikës dhe farsës elektorale. Natyrisht vendi është në një krizë shumë të thellë por kriza nuk është nga qëndrimi i opozitës…
NISIDA TUFA: Po cfarë rrezikon PD, dhe ka një përgjegjës?
SALI BERISHA: PD në gjithë përjepjekjet e saj i bën vetëm që të marrë pjesë në zgjedhje. Nëse PD gjithë përpjekjet nuk do i bënte për të marrë pjesë në zgjedhje, atëherë ajo do meritonte me të vërtetë cdo ndëshkim, por PD s’po bën asgjë tjetër një sakrificë të paparë deri më sot vetëm për të marrë pjesë në zgjedhje. Kjo është e vërteta
NISIDA TUFA: Si do ta komentonit ju takimin mes z.Rama dhe z. Basha? U fol se do të kishte një marrëveshje por nuk u arrit gjë..
SALI BERISHA: Ata që e njohin Edi Eamën, e dinë se Edi Rama dhe marrëveshja janë dy gjëra të kundërta. Edi Rama di marrëveshje vetëm ate që i intereson atij. Unë e kam provuar atë gjatë ndryshimit të Kushtetutës që bëmë, por unë nuk isha maksimalist. Natyrisht ato ndryshime nuk them që nuk i konvenonin PD dhe qeverisë, po i konvenonin po kaq ndoshta pak më shumë dhe Edi Ramës. Dhe aty ramë dakord se cdo hap tjetër që unë përpiqesha të shtyja për të përmirësuar më tej kushtetutën ai ishte kategorik. Me Edi Ramën duhet patur një gjë parasysh, se nuk ka kurrë marrëveshje me dialog sepse ai nuk e njeh dialogun. Ai është një person shumë shumë instabël me këtë. Me këtë nuk dua që nuk duhet ulur, nuk dua të them që duhet injoruar dhe përjashtuar, por gjuha e vetme që ai njeh është gjuha e imponimit nga qytetarët shqiptarët.
NISIDA TUFA: Cfare shihni ju si zgjidhje të krizës?
SALI BERISHA: Unë absolutisht, duke mbështetur cdo perpjekje për dialog, unë personalisht më duhet të them se vetëm revolucioni do mund ti imponojë Edi Ramës një kthesë lens non volence, don apo s’don thotë latini.
NISIDA TUFA: Po kur flasim për mosbindje civile, që ju e lakoni shumë z. Berisha?
SALI BERISHA: Vetëm ajo është, janë 55 e ca forma të mos bindjes civile. Ato do ta detyrojnë Edi Ramën, sepse qytetarët duhet të vendosin. Edi Rama cfarë tregon deri tani? Edi Rama tregon deri tani se është i vendosur të asgjesojë pluralizmin. Nuk ka vepër më kriminale që mund të imagjinohet se sa një kryeministër që thotë unë do shkoj pa opozitën dhe do e krijoj opozitën thotë. E di ç’bëri Ramiz Alia në vitin 1990? Nën shembullin e Milloshevicit, se jugosllavët i kishin, futi dhe shndërroi në subjekte elektorale levat e partisë; gruan, bashkimet profesionale, frontin, rininë e me radhë. Ky është pluralizëm tha. Mirëpo në politologji, në doktrinë, ky quhet pluralizëm burokratik.
Edi Rama i dha LSI-së presidentin për ta mbajtur në opozitë. Pra për të krijuar opozitën e tij. Edi Rama, ka mbush fishat këtu, ka mbush fisha për të krijuar partitë satelito opozitare. Pra tani, pasi e kanabizoi vendin, pasi e shndërroi në narko-republikë, tani po krijon edhe narko-opozitën. Po krijon opozitën e narko-republikës. Janë këto qëndrime, të cilat e bëjnë të pashmangshëm ballafaqimin.
NISIDA TUFA: Keni thënë në fjalimet tuaja se nëse ecet me këto ritme, Edi Ramën e pret fataliteti, tingëllon si kërcënim, cfarë do të thotë kjo?
SALI BERISHA: Jo nuk e kam aty, ai ka një problem ju e dini. Po të hyni të lexoni për historinë e tij, ky, njerës prej gazetave më të mëdha italiane i ka thënë se jo një herë por disa herë kam bërë tentativë për vetëvrasje. Se kur e lëshojnë nervat atë e lëshojnë atë pastaj. Ky është fatalitet. Ky quhet fatalitet në terma social, dhe kjo absolutisht do ti ndodhë, ose do ta krrehin!
NISIDA TUFA: Në fjalimin tuaj në Cadërkeni thënë se ka një fund mëshira. Deri kur do ta mëshironi?
SALI BERISHA: Mëshirë ishte 18 shkurti. E them edhe një herë se 80 ose 100 mijë vetë të atyre që erdhën, erdhën për ti dhënë duart Edi Ramës. Mëshirë ishte ajo ddhe bëmë mirë. Nuk ka provë më të shkëlqyer të vendimit të opozitës për zgjidhje paqësore se sa 78 protestë, të të gjitha përmasave dhe një xham nuk është thyer. Kjo është mëshirë. Se e vërtëta është se nëse situata merret në dorë nga revolucioni, zgjidhja do të jetë shumë e shpejtë.
NISIDA TUFA: Nëse arrihet një marrëveshje a është e pregatitur PD, nga ana e strukturave flas, për të hyrë në zgjedhje?
SALI BERISHA: PD sot është më e fortë se asnjëherë. Morali i demokratëve është shumë i olartë dhe ptimizmi është në rritje. E rëndësishme është që të krijohet një besim te procesi zgjedhor. të vendoset votimi dixhital. A mund të imagjinojë kush se do ketë zgjedhje pa drogë, në një kohë kur përfaqësuesi i njërit prej klaneve më të rrezikshme të drogës, Fatmir Xhafa, vëllai i të cilit është në hetim në gjykim ndërkombëtar në Itali dhe në Venezuelë, se do të luftojë drogën? Pse pikërisht Fatmir Xhafa erdhi në krye të policisë pasi iku Saimir skafisti, Saimir gomonia? Erdhi pikërisht për ti dhënë një mesazh garancie të gjitha klaneve të drogës dhe të trafikut të saj se përsëri e kemi tonin njëriun në krye të policisë.
Nuk ka vend në botë, që për vetting të një zyrtari, do vendoste në atë post, që ka të bëjë pikërisht me luftën kundër drogës, përfaqësuesin e klaneve të drogës. Ta zemë se Fatmir Xhafa në jetën e tij nuk ka përfituar qoftë edhe një qindarkë nga droga e Agron Xhafës, por vetë fakti që e ka vëlla, nga nëna dhe baba, e bën atë absolutisht të papërshtatshëm për ministër të brendshëm. Dhe është aktual ai, nuk është një histori. Agron Xhafa sot është më aktiv se kurrë me vëllian narko-ministër. Pra cfarë po kërkon opozita? Po kërkon që këto ministri ti marrin persona teknik.
Cfare po bën “madam vila”, që me paratë e vjedhura nga tenderat e institucioneve arsimore ka ndërtuar një vilë luksoze përrallore në Lundër. Cfarë po bën ajo? I ka shndërruar arsimtaret në militante të turpshme, në kundërshtim flagrant me ligjin e arsimit, në kundërshtim flagrant me ligjin elektoral. A e dini ju që shumica e atyre, se ka një braktisje të Edi Ramës ç’ është e vërteta, ka një braktisje masive dhe c’po bën po detyrohet të marrë nxënësit e shkollave. Më shkruanin këtu i kam mesazhet, mirë xhaxhi pse na marrin ne se ne nuk votojmë na marrin vetëm për të mbushur sheshin se ne jemi 15 – 16 vjec. Ose policë me uniformë në shtabet elektorale të partisë socialiste. Pra kjo situatë duhet të marrë fund. Apo ushtria, e tëra e angazhuar në propagandën e narko-republikës. Në këtë mënyrë nëse duam zgjedhje në këto institucione do vendosim në krye jo politikanë të PD por teknokratë të nderuar, njerëz të njohur të cilët me të vertët do zbatojnë ligjin.
NISIDA TUFA: Përsa i takon votimit elektronik, sa e pregatitur është Shqipëria për këtë?
SALI BERISHA: Në vlerësimin tim, në mënyrë absolute i ka totalisht. Do kohë, do 4 muaj 5 muaj. Ti japim për 5 muaj, ti japim kohën. Ama i jep kohën, po i jep vendit një proces të vërtetë. Nuk ecet në cmendurinë e Edi Ramës, që mendon se do mund të likudojë pluralizmin. Pluralizmi në Shqipëri është ndërtuar edhe mbi gjak të rinjsh shqiptarë, dhe ai me këtë bën një gabim fatal. Edhe një herë e them se ai bën një gabim fatal në këtë përpjekje që bën.
NISIDA TUFA: Si e komentoni përcaktimin e ndërkombëtarëve se në zgjedhje mund të shkohet pa PD?
SALI BERISHA: Së pari, dua të them që ligji është ai që është,. Fryma e Kushtetutës në mënyrë absolute nuk e pranon. Së dyti, kam shumë respekt për të gjithë këta që thatë ju, por ama për një gjë i siguroj, se me shprehjen e tyre, dashje ose padashje inkurajuan Edi Ramën në vendosmërinë e tij për të shkatërruar pluralizmin në Shqipëri. Pra, ai të vetmin argument këtë përdor, por e vërteta është që këtu ai do rrëzohet, nuk do mund ta realizojë. Do isha dakort me ketë, nëse fenomeni i kanabizimit ështe një shpikje e opozitës apo është stisjte e opozitës, nuk ekziston, ose ekzison në ato përmasa të parëndësishme që nuk ka peshë. Po sot nuk ka shqiptarë, i majtë apo i djathtë që e thotë dot këtë. Do isha dakord, nëse me ligjin e dekriminalizimit Edi Rama do kishte dëshmuar vullnetin e plotë për të pastruar administratën dhe institucionet nga kriminelët dhe për të mos liruar nga burgu të tjerët. Por sot në administratë janë mbi 400 punonjës administrate me dosje krimi, të cilët zbatojnë vetëm urdhëra krimi. Opozita ka një kazus, dhe cilitdo i them, urdhëroni pak shihni c’ ndodh, me fakte jo se e thote opozita, në administratën e Shqipërisë. Dhe duhet t’ju rikujtoj se karta e Kopenhagenit ka disa kritere për zgjedhjet e lira, ju garantoj që mjafton kjo që ndodh me administratën, që zgjedhjet e lira ti asgjesojë. Mjafton vetëm kjo që ndodh me administratën që zgjedhjet e lira ti ekzekutojë. Pse? Sepse ti i shndërron rrogtarët e shtetit, buxhetorë dhe jo buxhetorë, në një trup elektorale të partisë në pushtet, faktikisht ti krijon partinë-shte. Me parti-shtet nuk ka zgjedhje.
NISIDA TUFA: PD duke bojkotuar zgjedhjet mos ndoshta i jep një forcim të amplifikuar LSI-së?
SALI BERISHA: PD nuk ka në mënyrë kategorike qëllim të bojkotojë zgjedhjet. PD ka si qëllim kryesor të imponojë rikthimin e votës së lirë dhe dua të siguroj cdo qytetar shqiptarë, në të katër anët e vendit se kurrë kurrë PD opozita shqiptare nuk imagjinon të ketë qëllim bojkotin.
Opozita shqiptare ka vetëm një qëllim; rikthimin e votës së lirë, të drejtën e votës së lirë, shpëtimin e këtyre zgjedhjeve, të cilat faktikisht i ka helmuar në mënyrë të tmerrshme droga e kësaj narko-republike dhe krimi dhe ajo që bën Edi Rama me krimin. Cfarë tha? Pasi u paraqit me kamera në të gjithë mediat mësuesja në Kavajë, e cila në një mënyrë kriminale, kërcënonte e u bërtistë nxënësve që shkojnë në miting, Oh, – tha- ne kemi parë mësues që shkojnë në Cadër. Aaa kjo njëlloj qenka? Na e jep pak kush e organizoi atë mësuese që të vijë në çadër. Kam qenë në pushtet dhe e kam thënë 100 herë se punonjësit të ndjekin atë që duan. Një gjë është e sigurtë, që as nuk ka drejtori arsimi, as nuk ka drejtori shkollash opozita sot, që mund të detyrojë një nxënës apo një mësues të vijë në Cadër
NISIDA TUFA: Pse nuk e votoni vettingun? Pse duhet ti ngelet si njollë PD-së kjo?
SALI BERISHA: Historia e vettingut është si historia e drogës, janë identike, vetëm se njëra është drogë tjetra është një ligj. Së pari i sqaroj shqiptarët se është PD ajo që ka kërkuar vettingun, ligjin vetingun në Kushtetutë është PD që e ka kërkuar.
Për ata të cilët mjerisht i lejojnë vetes, jo të shohin të vërtetën, por të shohin e të dëgjojnë mashtrimin e Edi Ramës, dhe të mashtruar nga Edi Rama ka ndërkombëtarë apo njerëz që duan të mështesin Edi Ramën. Unë ftoj shqiptarët të rikthehemi bashkë me 21 korrik. Me 21 korrik, njeriu që u përgëzua nga e gjithë bota për marrëveshjen nuk ishte Edi Rama. Për herë të parë dhe në mënyrën më surprizë ishte shefi i opozitës, Lulzim Basha. Në atë takim ka qenë Ilir Meta, kanë qënë dy ambasadorë, Lulzim Basha dhe Edvin Kristaq Rama, është rënë dakord që 7 ligjet të votohen së bashku me konsensus sikundër edhe reforma elektorale, ndaj dhe le të fusim tani për votim Kushtetutën pasi ato mund të kenë nëvojë për ndonjë shqyrtim të vogël.
Këtë marrëveshje nuk e mohon dot asnjë njeri, kjo marrëveshje është 100% e sigurtë. Cfarë ndodhi mbrapa? Ndaj dhe unë kërkoj mirëkuptimin e qytetarëve, le ta pyesin veten, se cfarë qëndrimi do mbanin ndaj atij që të shkel kontratën, ndaj atij që të shkel fjalën, ndaj atij që të mashtron? Edi Rama të nesërmen, e la, nuk pranoi konsensusin për ligjet dhe nxitoi të fus të gjithë amendamentet që ishin për të marrë drejtësinë në dorë të tij.
Prap kam një provë tjetër shumë të madhe, sepse njerëzit duhet të dinë të vertetën. Lulzim Basha i thotë ambasadorit të SHBA dhe gjithë botës se u shkel marrëveshja. Amb. amerikan, i cili e kishte ligjin e SPAK në patronazhin e qeverisë së tij, sepse do i stërviste e do i trajnonte, shkon dhe i thotë Edi Ramës, se SPAK ose do votohet me opozitën dhe do merren parasysh amendamentet e opozitës që janë të domosdoshme, ose ne nuk kemi punë me këtë proces. Dhe e detyroi Edi Ramën.
Atëherë mund ti pyes qytetarët se pse opozita votoi SPAK-un me konsensus në parlament? Sepse u zbatua vetëm kjo pikë e marrëveshjes kurse të gjitha pikat e tjera Edi Rama i shkeli pikër përpikë në mënyrë që të marrë drejtësinë në duar. Atëherë ju pyes: cili është ai qytetar, vendas apo i huaj, ai zyrtar shtetar vendas apo i huaj, pervecse ndonjë të korruptuari, që thotë duhet të votoni vettingun duke ditur si është e vërteta?
Opozita ka deklaruar se është e gatshme në kuadrin e kësaj marrëveshje të rikthejë ligjet, të kthehet me konsensus dhe ti votojë të nesërmen në parlament. Pra është Edi Rama në mënyrë absolute, që mban peng reformën, mban peng vettingun, me një qëllim të vetëm; që ta votojë pas zgjedhjeve me opozitën e krijuar prej çmendurisë së tij.
NISIDA TUFA: Sa i përket rrjeteve sociale ndoshta keni një gjë të përbashkët këtu me Ramën. Ju vijoni i qëndroni çdo postimi apo çdo përgjigjeje?
SALI BERISHA: Ka një dallim të madh mes rrjetit tim social dhe rrjetit të tij social. Njeriu i vetëm që merret me rrjetin tim social, është znj. Erla Mëhilli, administratore e rrjetit social, dhe Sali Berisha natyrisht. Edi Rama mban 38 rrogtarë në zyrën e shtypit vetem e vetëm për të zhurmuar rrjetin social të Sali Berishës. Dhe meqë jemi ketu, Erla Mëhilli ndonëse nuk ka dhunti zbuluesje por ka arritur të kapë, si i thonë fjalës, me presh në dorë njërin prej tyre dhe t’ja pohojë ai më fal Erla por unë e kam bërë sepse paguhem për këtë punë, njëri që e gjeti se cili ishte. Dhe ndonjëherë Erla, kur të shkruajë ose kujtime ose ndonjë status mund ta nxjerrë këtë. Pra kjo është vërteta. Pra, Edi Rama mban një ushtri të tërë. Pse ky dallim? Sepse ai trillon ndërsa unë them të vertetën, vetëm kaq. Unë them të vërtetën. Natyrisht janë bërë një mjet i jashtëzakonshëm, rrjetet sociale janë bërë një mjet komunikimi ku secili shpreh mendimin e vet, dhe unë përpiqem ti respektoj, ndonëse nuk me pëlqen kur përdorin ndonjë fjalë të papërshtatme por fundi fundit tani këto të hapura janë
NISIDA TUFA: Ju vijoni të jeni shumë energjikë. Kam dëgjuar që flini shumë pak. Sa orë në ditë flini?
SALI BERISHA: Unë zakonisht bëj 6 orë dhe 6 orë mua më mjaftojnë. Mundet pak më shumë mundet pak më pak, por unë e kam kronike këtë, gjithmonë e kam patur. Po prit, 6 orë të miat janë të paktën sa 36 orë të Edi Ramës, të siguroj për këtë, sepse unë e kam pa ëndrra gjumin. Unë nuk kam ëndrra në gjumë. Unë bëj gjumin më të qetë që mund të ketë ndonjë njëri. Dhe gjumi i qetë ka një fuqi shlodhëse të jashtëzakonshme, sado që lodhesh një gjumë i qetë e ka fuqinë kalmante, indeksin kalmant e ka të pakrahasueshëm me gjumin ankcioz që bën njeriu, që kur nuk ka me të cilin të zihet zihet me veten e tij
NISIDA TUFA: Arritja e një marrëveshjeje dhe bojkotimi zgjedhjeve ju mundon edhe ju besoj?
SALI BERISHA: Pa padiskutim që jam për arritjen e një marrëveshje dhe e quaj plotësisht të mundshëm. Por Edi Rama dhe marrëveshja janë dy gjëra të kundërta. Një propozim bëri Gramozi dhe u detyrua pas tre minutave ta tërhiqte. Nuk do Edi Rama marrëveshje. Bëri Gramozi një propozim të arsyeshëm, që ç’ është e vërteta që mund të conte në një marrëveshje, por jo jo, e kisha për zgjedhjet e ardhshme tha pastaj Rama.
